ლუგანსკის ოლქის გუბერნატორი, სერგეი გაიდაი ამბობს, რომ რუსებმა ოლქში დამატებით რამდენიმე ათასი რეზერვისტი ჩაიყვანეს და ცდილობენ შექმნან საბრძოლო რაზმი, რომელიც კუპიანსკს შეუტევს.
გაიდაის თქმით, უკრაინელი სამხედროები ოკუპანტების დაჯგუფებას ყურადღებით აკვირდებიან.
“ლუგანსკის ოლქში რუსებმა დამატებით რამდენიმე ათასი რეზერვისტი ჩამოიყვანეს, ცდილობენ საბრძოლო რაზმი შექმნან, რომელიც კუპიანსკს შეუტევს. ჩვენმა სამხედრო ხელმძღვანელობამ ყველაფერი იცის და ყურადღებით აკვირდება მტრის დაჯგუფებას. განსხვავებული ვითარებაა ბელოგოროვკაში. უკრაინის შეიარაღებული ძალები და ეროვნული გვარდია მტრის ინტენსიურ იერიშებს ეფექტურად იგერიებს. მტერი ვერ ახერხებს ჩვენი პოზიციების გარღვევას. განადგურებულია დასახლებული პუნქტები, ენერგო ინფრასტრუქტურა. ვცდილობთ, იქ დარჩენილი ადამიანებს ჰუმანიტარული და სამედიცინო დახმარება გავუწიოთ“, – თქვა სერგეი გაიდაიმ.
ომის 291 დღე უკრაინაში – ფრონტის ხაზზე ვითარება დაძაბულია. დონეცკისა და ლუგანსკის ოლქებში ინტენსიური საბრძოლო მოქმედებები გრძელდება. ოკუპანტები აქტიურად ცდილობენ უკრაინელების თავცდაცვითი პოზიციების გარღევას, თუმცა ვერ ახერხებს. ბრძოლის ველზე წარუმატებელი მოქემდბების პარალელურად, ოკუპანტები დასახლებული პუქტებისა და ენერგო ობიექტების დაბომბვას აგრძელებენ.