“სააკაშვილი ისტორიაში შევა, როგორც ადამიანი, რომელმაც ქვეყანაში უბედურება შექმნა”

თბილისის მერი აცხადებს, რომ მესამე პრეზიდენტი მიხეილ სააკაშვილი ისტორიაში შევა როგორც ადამიანი, რომელმაც ქვეყანაში უბედურება შექმნა.

კახა კალაძემ ამის შესახებ მიხეილ სააკაშვილის ჯანმრთელობის მდგომარეობაზე საუბრის დროს აღნიშნა და თქვა, რომ სააკაშვილი სხვა პატიმრებისგან განსხვავებული არ არის და რომ მასზეც სხვა პატიმრების მსგავსად შესაბამისი უწყება ზრუნავს.

„პატიმრების ჯანმრთელობაზე შესაბამისი უწყება ზრუნავს. რა თქმა უნდა, მიხეილ სააკაშვილი გამონაკლისი ან რაიმე პროფილით განსხვავებული არ არის. ყველა პატიმართან დაკავშირებით შესაბამისი უწყება იღებს გადაწყვეტილებას. მიხეილ სააკაშვილს, რა თქმა უნდა, უფრო მეტი პასუხისმგებლობა აქვს.

ზოგადად, პოლიტიკოსებს მეტი პასუხისმგებლობა გვაქვს და, ძალიან სამწუხაროა, რომ სააკაშვილი ისტორიაში შევა, როგორც სისხლიანი რეჟიმის დამფუძნებელი ადამიანი, რომელმაც ქვეყანაში უბედურება შექმნა“, – განაცხადა კახა კალაძემ.