“ქართულ ოცნებაში” აცხადებენ, რომ სახალხო დამცველის არჩევის პროცესი გამჭვირვალედ და ობიექტურად წარიმართა. პარლამენტის იურიდიულ საკითხთა კომიტეტის თავმჯდომარე, ანრი ოხანაშვილი ამბობს, რომ მმართველი გუნდი მიუკერძოებლობის და კვალიფიციურობის კრიტერიუმებით ხელმძღვანელობს და თუკი ოპოზიციასაც მსგავსი განზრახვა აქვს, შეთანხმების და პოზიციების შეჯერების რესურსი გამოინახება.
“ჩვენ ვხელმძღვანელობთ ობიექტურობის, მიუკერძოებლობის და კვალიფიციურობის კრიტერიუმებით. თუკი ოპოზიციის წარმომადგენლებს სურთ, რომ ამ კრიტერიუმებით იხელმძღვანელონ, მაშინ არის რესურსი შეთანხმების. თუ ისინი ხელმძღვანელობენ და იხელმძღვანელებენ მიკერძოების კრიტერიუმით, მათდამი პოლიტიკურად ლოიალური და მათი ინტერესების გამტარებელი სახალხო დამცველის არჩევის ინტერესით, მაშინ, რა თქმა უნდა, ესეთი შეთანხმება ვერ შედგება. გვაქვს მოლოდინი პოზიციის გონიერების ამჯერად მაინც და ამ კრიტერიუმებით ხელმძღვანელობის,“ – აცხადებს ანრი ოხანაშვილი.