„ნაცმოძრაობის“ წევრი, ლევან ხაბეიშვილი პარტიის თავმჯდომარეობის კანდიდატად ოფიციალურად დარეგისტრირდა. შესაბამისი დოკუმენტაცია პარტიის წევრმა და ხაბეიშვილის მხარდამჭერმა, ირაკლი ნადირაძემ წარადგინა.
როგორც ნადირაძემ ჟურნალისტებს განუცხადა, დარწმუნებულია, რომ პარტიის თავმჯდომარე ლევან ხაბეიშვილი გახდება.
„დარწმუნებული ვარ, მისი აქტიურობა, ენერგიულობა, შრომისმოყვარეობა და მებრძოლი ხასიათი, „ნაციონალურ მოძრაობას“ წაადგება. დარწმუნებული ვარ, რომ ეს ადამიანი იქნება „ნაციონალური მოძრაობის“ ახალი თავმჯდომარე“, – განაცხადა ირაკლი ნადირაძემ.
შეგახსენებთ, „ნაცმოძრაობის“ პოლიტიკური საბჭოს გადაწყვეტილებით, პარტიის თავმჯდომარის არჩევნები 2023 წლის 28-29 იანვარს ჩატარდება. პოლიტსაბჭოს თავმჯდომარის, კობა ნაყოფიას თქმით, არჩევნები „ბლოკჩეინის“ სისტემით გაიმართება.