საზოგადოებრივი აზრის კვლევის ცენტრ GORBI-ის მიერ ჩატარებული გამოკითხვის თანახმად, კითხვაზე, „ქართული ოცნების” მთავრობა არ შეუერთდა რუსეთის წინააღმდეგ მიმართულ ეკონომიკურ სანქციებს და ეთანხმებით თუ არა მთავრობის ამ გადაწყვეტილებას? „გორბის“ მიერ გამოკითხულ რესპონდენტთა პოზიციები ასე გადანაწილდა:
სანქციებთან დაკავშირებით „ქართული ოცნების“ მთავრობის გადაწყვეტილებას ეთანხმება – 65%, არ ეთანხმება – 25 და არ იცის ან პასუხზე უარს ამბობს 10%.
საზოგადოებრივი აზრის კვლევა ტელეკომპანია „იმედის“ დაკვეთით საქართველოს საზოგადოებრივი აზრისა და ბიზნესის კვლევის საერთაშორისო ცენტრმა, GORBI-მ ჩაატარა. ქვეყნის მასშტაბით მრავალსაფეხურიანი შემთხვევითი შერჩევით, პირისპირ ინტერვიუს მეთოდით გამოიკითხა 2024 რესპონდენტი. საველე სამუშაოები GORBI-მ 17-30 ნოემბერს ჩაატარა. კვლევის ცდომილების ზღვარია +/- 2.5 %
