უკრაინის პრეზიდენტი, ვოლოდიმირ ზელენსკი თეთრ სახლში აშშ-ის პრეზიდენტ ჯო ბაიდენს ხვდება. ინფორმაციას ამის შესახებ ტელეკომპანია CNN-ი ავრცელებს.
ვოლოდიმირ ზელენსკი დღეს საღამოს აშშ-ის კონგრესს მიმართავს. კონგრესში სიტყვით გამოსვლამდე უკრაინის ლიდერი თეთრ სახლში აშშ-ის პრეზიდენტ ჯო ბაიდენს ხვდება. შეხვედრის შემდეგ მხარეები პრესკონფერენციას გამართავენ.
„გავაგრძელებთ თანამშრომლობას ჩვენი გამარჯვების მოსაახლოებლად. გავმართავ მოლაპარაკებებს უკრაინის მედეგობისა და თავდაცვითი შესაძლებლობების გასაძლიერებლად. კერძოდ, ჩვენ განვიხილავთ უკრაინისა და ამერიკის შეერთებული შტატების ორმხრივ თანამშრომლობას აშშ-ის პრეზიდენტ ჯო ბაიდენთან. მომავალ წელს ჩვენ უნდა დავუბრუნოთ უკრაინის დროშა და თავისუფლება ჩვენს ქვეყანასა და ჩვენს ხალხს“, – აღნიშნა უკრაინის ლიდერმა.
კომენტარები