2 იანვარს, კახეთის გზატკეცილზე, აეროპორტის ხიდებთან, GWP-ის წყალსადენის მაგისტრალური მილი ავარიულად დაზიანდა.
კომპანიის მიერ გავრცელებულ განცხადებაში აღნიშულია, რომ კომპანიის ტექნიკური ჯგუფი ადგილზეა მობილიზებული და დაზიანების აღსადგენად მოსამზადებელი სამუშაოები მიმდინარეობს.გადაუდებელი სამუშაოები ინტენსიურ რეჟიმში ჩატარდება და მთელი დღის განმავლობაში გაგრძელდება.
„ აღნიშნულთან დაკავშირებით 2 იანვარს, დღის 12:10 საათიდან საღამოს 23:50 საათამდე წყალმომარაგება შეეზღუდება:
კახეთის გზატკეცილის ნაწილს, ორხევის, თეთრიხევის, აეროპორტის და ალექსეევკის დასახლებებს, თვალჭრელიძის, ღლონტის, ფრანგულიანის და მიმდებარე ქუჩებს.
„ჯორჯიან უოთერ ენდ ფაუერი“ ბოდიშს უხდის მომხმარებლებს დისკომფორტისთვის. სამუშაოების მიმდინარეობისას, წყალმომარაგების სრულად აღდგენამდე კომპანია მოსახლეობას წყალს ცისტერნებით მიაწვდის.
წყალმომარაგების შეზღუდვისა და აღდგენის შესახებ ინფორმაციას, „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის – 2 93 11 11, ფეისბუქისა და ვებგვერდის მეშვეობით “,- ნათქვამია განცხადებაში ინფორმაციაში.