მწუხარებას გამოვთქვამ საგარეჯოში მომხდარი შემზარავი და გამაოგნებელი დანაშაულის გამო, რასაც უდანაშაულო ადამიანები ემსხვერპლნენ, – ამის შესახებ ფინანსთა მინისტრი სოციალურ ქსელში წერს.
ლაშა ხუციშვილი სამძიმარს უცხადებს, შინაგან საქმეთა სამინისტროს კახეთის პოლიციის დეპარტამენტის საგარეჯოს რაიონული სამმართველოს უფროსი დეტექტივის, პოლიციის უფროსი ლეიტენანტის, ოთარ ღვინაშვილის გარდაცვალების გამო.
„ვუსამძიმრებ დაღუპულთა ოჯახის წევრებსა და სრულიად საქართველოს… ამ უმძიმეს წუთებში, შინაგან საქმეთა სამინისტროს სამძიმარს ვუცხადებ, კახეთის პოლიციის დეპარტამენტის საგარეჯოს რაიონული სამმართველოს უფროსი დეტექტივის, პოლიციის უფროსი ლეიტენანტის, ოთარ ღვინაშვილის გარდაცვალების გამო და თანავუგრძნობ გარდაცვლილის ოჯახს, კოლეგებსა და ახლობლებს“, – წერს ლაშა ხუციშვილი.