“ტრაგედიის პარალელურად იწერებოდა, რომ ათობით ცხედარია საგარეჯოს ქუჩებში, თავდამსხმელები რომ ვითომ რუსები არიან”

ჟურნალისტი ილია ჩაჩიბაია სოციალურ ქსელში პოსტს აქვეყნებს.

“მთელი ღამე არ მიძინია, საგარეჯოს ამბებს ვადევნებდი თვალს. როდესაც ასეთი ტრაგედია ხდება, ყველამ თავშეკავება და სიფრთხილე უნდა გამოვიჩინოთ. ასეთ დროს მაინც, არ შეიძლება ვრცელდებოდეს ტყუილი ინფორმაცია და ყალბი შეფასებები. ტრაგიკული ინციდენტის პარალელურად იწერებოდა, რომ ათობით ცხედარია საგარეჯოს ქუჩებში, რომ თავდამსხმელები ვითომ რუსები არიან და ეს ფაქტი გამოიწვევს სახელმწიფოთაშორის ომს. კიდევ ათასი ტყუილი წავიკითხეთ. ისედაც გულგახეთქილ ხალხს, შეგნებულად თუ უმეცრებით უფრო რომ ანერვიულებდნენ, ეს უზნეობაა.”