გარდაბნის #21-ე ოლქში ადგილობრივი თვითმმართველობის შუალედური არჩევნები მთელი დღის განმავლობაში ექსცესების გარეშე, მშვიდ ვითარებაში მიმდინარეობდა.
კალინინოსა და ყარაჯალარის თემების #25, 26, 27, 58 და 59 უბნებზე ხმის მიცემის პროცესი დილის 08:00 საათზე დაიწყო. ხუთივე უბანი 20:00 საათზე დაიხურა. გარდაბნის საოლქო საარჩევნო კომისიის თავმჯდომარის, რამაზ ბუდაღაშვილის ინფორმაციით, 20:00 საათისათვის ამომრჩეველთა 32,83 %-იანი აქტივობა დაფიქსირდა. კენჭისყრის პროცესის დროს საარჩევნო უბნებზე საჩივარი არ დაწერილა. ხმის დათვლის პროცედურებიც მშვიდ ვითარებაში მიმდინარეობს.
კომენტარები