“ჩვენ არ ვცხოვრობთ ჩრდილოეთ კორეაში , რომ ყველა ერთ აზრზე იყოს”

ჩვენ არ ვცხოვრობთ ჩრდილოეთ კორეაში , რომ ყველა ერთ აზრზე იყოს“,-ამის შესახებ „ქრონიკის“ პირდაპირ ეთერში “საზმაუს” ახალმა გენერალურმა დირექტორმა ვასილ მაღლაფერიძემ მის კანდიდატურასთან დაკავშირებით გამოთქმული კრიტიკის საპასუხოდ განაცხადა.
მაღლაფერიძემ პირობა დადო, რომ არხი პოლიტიკური გავლენისგან სრულიად თავისუფალი იქნება.
მისივე თქმით, იგი ყველანაირად ეცდება, რომ საზოგადოების ინტერესი დააკმაყოფილოს და ტელეკომპანია მედია ბაზარზე ლიდერად აქციოს. „ჩვენ არ ვცხოვრობთ ჩრდილოეთ კორეში, ჩენ ვცხოვრობთ დემოკრატიულ სახემწიფოში და შეუძლებელია ყველა ერთ აზრზე იყოს. ყველა აკეთებს შეფასებებს საკუთარი პოლიტიკური წარსულიდან. ყველა ადამიანს აქვს პოლიტიკური წარსული. არხი იქნება სულიად თავისუფალი პოლიტიკური გავლენისგან ა ვფიქრობ, ამ მიმართულებით არც კითხვები იქნება საზოგადოებაში და არც დიდ ძალისხმევას არ საჭიროებს.ყველანაირად ვეცდები, რომ საზოგადოების ინტერესი დავაკმაყოფილო და ყველაფერი გავაკეთო იმისთვის, რომ საზოგადოებრივმა მაუწყებელმა შეასრულოს მთავარი ფუნქცია-იყოს ინფორმაციის მიმწოდებელი საზოგადოებისთვის და იყოსლიდერი მედია ბაზარზე. და თუ საზმაუ მედია ბაზარზე გახდება ლიდერი, ის ცხადია ამას ხელისუფლების ოპონირებით ვერ მოახერხებს, ანუ ჩვენ ამით მოვხსნით ყველა კითხვას“, – განაცხადა ვასილ მაღლაფერიძემ.
შეგახსენებთ, რომ ვასილ მაღლაფერიძე საზმაუს სამეთვალყურეო საბჭოს წევრებმა ფარული კენჭისყრით დღეს აირჩიეს. მის კანდიდატურად საზოგადოების ნაწილის მხრიდან მისი პოლიტიკური წარსულიდან გამომდინარე კრიტიკა მოჰყვა.