უკრაინის პრეზიდენტმა, ვოლოდიმირ ზელენსკიმ ეროვნული გვარდიის მეთაურის მოადგილე, რუსლან ძიუბა თანამდებობიდან გაათავისუფლა. შესაბამისი ბრძანება პრეზიდენტის ოფიციალურ ვებგვერდზე გამოქვეყნდა.
უკრაინული მედიის ინფორმაციით, გენერალ-მაიორი რუსლან ძიუბა ეროვნული გვარდიის მეთაურის მოადგილის თანამდებობას 2019 წლის ივნისიდან იკავებდა და ლოგისტიკურ უზრუნველყოფაზე იყო პასუხისმგებელი.
აღსანიშნავია, რომ 2022 წლის იანვარში გვარდიის მეთაურმა, ნიკოლაი ბალანმა თანამდებობა დატოვა, მას შემდეგ რაც ეროვნული გვარდიის სამხედრო მოსამსახურემ დნეპრში, ერთ-ერთ ქარხანაზე ცეცხლი გახსნა და 5 ადამიანი მოკლა. 2022 წლის 25 თებერვალს ეროვნული გვარდიის მეთაურად ზელენსკიმ იური ლებედი დანიშნა.
კომენტარები