ჩვენ და ვიოლა ფონ კრამონი ვერასდროს შევთანხმდებით იმაზე, თუ რა შეფასებას ვაძლევთ იმ დანაშაულებრივ რეჟიმს, რომელიც ამ ქვეყანაში 2012 წლამდე მოქმედებდა. როდესაც ამაზე ვერ ვთანხმდებით, რა თქმა უნდა ვერ ვთანხმდებით იმაზე, თუ რა როლი აქვს მიხეილ სააკაშვილს და შესაბამისად, რაზე იხდის სასჯელს, – ამის შესახებ უმრავლესობის წევრმა ირაკლი ჩიქოვანმა ჟურნალისტებს განუცხადა.
მისი თქმით, მიხეილ სააკაშვილი არის პატიმარი, რომლის ყველა უფლება უზრუნველყოფილია და ეს ფეიკკამპანია, რომელიც „ხალხის ძალის“ კანონპროექტების დაბრენდვას გულისხმობდა, საბოლოო ჯამში სააკაშვილთან და „ნაციონალურ მოძრაობასთან“ მიდის.
„ჩვენ და ვიოლა ფონ კრამონი ვერასდროს შევთანხმდებით იმაზე, თუ რა შეფასებას ვაძლევთ იმ დანაშაულებრივ რეჟიმს, რომელიც ამ ქვეყანაში 2012 წლამდე მოქმედებდა. როდესაც ამაზე ვერ ვთანხმდებით, რა თქმა უნდა ვერ ვთანხმდებით იმაზე, თუ რა როლი აქვს მიხეილ სააკაშვილს და შესაბამისად, რაზე იხდის სასჯელს. მიხეილ სააკაშვილი არის პატიმარი, რომლის ყველა უფლება არის უზრუნველყოფილი. მორიგ ჯერზე ვხედავთ იმას, რომ ეს მთლიანი კამპანია, მათ შორის ფეიკ კამპანია, რომელიც გულისხმობდა „ხალხის ძალის“ კანონპროექტების დაბრენდვას, საბოლოო ჯამში მიდის მიხეილ სააკაშვილთან და ნაციონალურ მოძრაობასთან“, – განაცხადა ირაკლი ჩიქოვანმა.
ევროპარლამენტარი ვიოლა ფონ კრამონი თბილისში პარლამენტთან გამართულ აქციას გამოეხმაურა და განაცხადა, რომ თბილისში განვითარებული მოვლენები მას 2013-2014 წლებში უკრაინაში „მაიდანის“ დროს ახსენებს