“არასდროს ვყოფილვარ ძალადობის მომხრე, “ქართული ოცნების“ წევრიც კი რომ ჩამოვიდეს და მასზე იძალადონ, არ ვარ ამის მომხრე”

არასდროს ვყოფილვარ ძალადობის მომხრე – „ქართული ოცნების“ წევრიც კი რომ ჩამოვიდეს და მასზე იძალადონ, არ ვარ ამის მომხრე, – ამის შესახებ „ნაციონალური მოძრაობის“ წევრმა ბაჩო დოლიძემ პარლამენტთან აქციაზე მომხდარ ინციდენტზე საუბრისას განაცხადა, როდესაც სახალხო დამცველს კვერცხები დაუშინეს.

„როგორ შეიძლება ამის მომხრე იყო, მაგრამ ისიც ხომ უნდა გათვალო ადამიანმა, რომ როდესაც იცი, ხალხი აღელვებულია, მის ადგილას ასე დემონსტრაციულად არ ჩავივლიდი“, – აღნიშნა დოლიძემ.

ახლად არჩეული სახალხო დამცველი ლევან იოსელიანი გუშინ პარლამენტის წინ მიმდინარე აქციაზე მივიდა, სადაც მას აქციის მონაწილეებმა კვერცხები დაუშინეს. იოსელიანი ადგილიდან სახალხო დამცველის მოადგილემ გიორგი ბურჯანაძემ და პარტია „მოქალაქეების“ ლიდერმა ალეკო ელისაშვილმა გაიყვანეს.