ისტორიული უბნები იმთავითვე განსხვავებულ მიდგომას საჭიროებენ და ამიტომაც ჩვენ ავარიული სახლების ჩანაცვლების პროგრამაში აქტიურად ვერ შევიყვანეთ ისტორიული არეალები, ვინაიდან ამა რეალებს აქვს ერთი მნიშვნელოვანი შეზღუდვა, მოცულობისა სიმაღლის შეზღუდვა. იქ კლასიკური ბიზნეს მოდელი ვერ მუშაობს, რომ დეველოპერი მივიდეს, ვიღაცისგან გამოისყიდოს საცხოვრებელი სახლი და მის ნაცვლად ააშენოს რამდენიმე სართულით მეტი, – ამის შესახებ თბილისის ვიცე-მერმა ირაკლი ხმალაძემ „ქრონიკაში“ ისაუბრა.
„ისტორიულ უბნებში ძირითადად შენობების ჩანაცვლება შეიძლება მოხდეს იგივე პარამეტრების ფარგლებში. ვთქვათ ორ სართულიანი ავარიული, უნდა დავანგრიოთ და ისევ ორსართულიანი დავდგათ. შესაბამისად ამ შემთხვევაში ბიზნეს მოდელი არ მუშაობს. ამიტომაც იყო პირადად ჩემ მიმართ დავალება მერისგან რამდენიმე მთავრობის სხდომის წინ, რომ რაღაც განსხვავებული პროგრამა შეგვემუშავებინა და დღეს საკმაოდ დეტალურად განმარტა თავად მერმა მთავრობის სხდომაზე თუ რაში მდგომარეობს ახალი პროგრამა, რომელიც პარასკევს თბილისის საკრებულოს წარედგინება განსახილველად“, – გამაცხადა ირაკლი ხმალაძემ.