ერთი წლის წინ სოციალურ ქსელში, შინაგან საქმეთა მინისტრის ყოფილმა პირველმა მოადგილე ზურაბ ჩხაიძემ, გივი თარგამაძის სტატუსს უპასუხა და ფეისბუქის საკუთარ გვერზე, მშენებარე სახლის ფოტო და სტატუსი გამოაქვეყნა.
სტატუსის ტექსტს უცვლელად გთავაზობთ:
“ერთი ყბამონგრეული და ტვინმოღრეცილი ადამიანის მსგავსი არსება, ამ რამდენიმე დღის წინ, დიდი ხნის უნახავი მეგობრების, საახალწლო შეხვედრაზე, მეუღლეებთან ერთად გადაღებულ, ფოტოს აქვეყნებდა და ლამის ანათემას გადაგვცა როგორც ამ ქვეყნის დამაქცევრები.დრომ დაანახა საზოგადოებას, ვინ ვინ არის და ასეთები რომ გლანძღავენ უნდა გეამაყებოდეს კიდეც. ჩემს თავს დატრიალებული მოულოდნელი ტრაგედიის გამო საკადრისი პასუხის გასაცემად არც განწყობა მაქვს და არც დრო, მაგრამ ერთ სურათს შემოგთავაზებთ და ვკითხავ ამ ღორის გაგდებულს. – ხომ იცი, ვისია ეს სახლი და როდის აშენდა? ხოდა, მასზე და მის ცოფიან თანამებრძოლებზე იმსჯელე მომავალში!”
“ექსკლუზივ ნიუსმა” გაარკვია რომ სახლი, რომელიც ფოტოზეა გამოქვეყნებული, დიღმის დასახლებაში მდებარეობს, ის კობა ნაყოფიას სახელზეა გაფორმებული და მშენებარე სასახლე, სინამდვილეში მიხეილ სააკაშვილს ეკუთვნის.
იმედია, ამ ფაქტით სამართალდამცავები დაინტერესდებიან და დადგინდება უძრავი ქონების ფლობის კანონიერება.