“ცდილობენ 9 აპრილთან დაკავშირებული ემოციები საკუთარ სამსახურში ჩაიყენონ“, – ამის შესახებ მმართველი გუნდის წევრმა, მიხეილ სარჯველაძემ „ნაციონალური მოძრაობის“ მიერ დღეისთვის დაგეგმილ აქციაზე საუბრისას განაცხადა.
მისივე თქმით, ევროკომისიის რეკომენდაციების შესრულებას ქუჩაში გასვლა არ სჭირდება.
“ამ აქციას ერთადერთი მიზანი აქვს, სამარცხვინო წარუმატებლობა, დაანონსებული დიდი აქციების ნაცვლად რამდენიმე ათეულზე მეტს, რომ ვერ გაცდნენ მხარდამჭერთა მობილიზებაში, ახლა ცდილობენ 9 აპრილთან დაკავშირებული ემოციები საკუთარ სამსახურში ჩაიყენონ. ამ აქციის მიზანია რაღაც სიმრავლით მანიპულირება მოახდინონ. სხვა სათქმელი არაფერი აქვთ. რაც შეეხება თავდაპირველ ანონსს, რომ 12 პუნქტის შესრულებას უკავშირდებოდა, მორიგი ფარსია. 12 პუნქტის შესრულებას არ სჭირდება სისხლიან რევოლუციებზე საუბარი და ქუჩაში გასვლა, არამედ კაბინეტებში დასხდომა და კონკრეტულ საქმეზე საუბარი, რასაც ხელისუფლება აკეთებს. ხელის შეშლის მეტი ოპოზიციის მხრიდან არაფერი გვინახავს“ , – აღნიშნავს სარჯველაძე.