პრემიერ-მინისტრი ირაკლი ღარიბაშვილი აცხადებს, რომ ზოგადად, მისი ხელისუფლება მოსამართლეებთან ზედმეტ კონტაქტს ერიდება, თუმცა ყოველთვის მზად არის მათი წუხილები მოისმინოს.
„თქვენ იცით, რომ მე პირადად, ჩვენი ხელისუფლება მაქსიმალურად ვერიდებით [მოსამართლეებთან] რაიმე ფორმით ზედმეტ კონტაქტსაც კი. ჩვენ, გარდა იმისა, რომ მხოლოდ მხარდაჭერას ვუცხადებთ ჩვენს მოსამართლეებს, სასამართლოს, მაქსიმალურად გვაქვს შემცირებული კონტაქტები, შეხვედრები და ა.შ. თუ რა თქმა უნდა სურვილი იქნება და კონკრეტულ საქმეს შეეხება, მე ყოველთვის მზად ვარ როგორც პრემიერ-მინისტრი და მთავრობის მეთაური, რომ მოვისმინო ინფორმაცია მოსამართლეებისგან, გავიზიარო მათი წუხილები და ამის შემდეგ ჩვენ დავიგეგმოთ თუ რა ნაბიჯები შეიძლება გადავდგათ ერთად“, – განაცხადა ირაკლი ღარიბაშვილმა.
კომენტარები