მედიაექსპერტი ია ანთაძე საზოგადოებრივი მაუწყებლის ახალი გენერალური დირექტორის, ვასილ მაღლაფერიძის მრჩევლის თანამდებობას დაიკავებს.
ამის შესახებ, იგი „ფეისბუქის“ საკუთარ გვერდზე წერს:
„მეგობრებო, დღეს ჩემი მრავალი წლის ნატვრა ახდა – საზოგადოებრივი მაუწყებლის თანამშრომელი გავხდი. როგორც ყოველთვის, ახლაც ყველაფერს გავაკეთებ, რომ პირნათელი ვიყო ჩემი ოჯახისა და ჩემი ქვეყნის წინაშე. დამატებით კი ვეცდები, რომ საზოგადოებრივ მაუწყებელში ჩემი საქმიანობა კიდევ უფრო შედეგიანი იყოს, ვიდრე სხვა დანარჩენი, რაც აქამდე მიკეთებია. დიდი მადლობა ჩემი და საზოგადოებრივი მაუწყებლის ყველა გულშემატკივარს.“-წერს ანთაძე.
ია ანთაძე 2015 წლის ოქტომბრიდან 2016 წლის დეკემბრამდე ტელეკომპანია GDS-ზე გადაცემა „59 წამის“ პროდუსერის თანამდებობას იკავებდა.
გადაცემამდე ია ანთაძე ტელეკომპანია GDS-ისა და ორგანიზაცია „სამოქალაქო განვითარების ინსტიტუტის“ ერთობლივ ტელეპროექტზე მუშაობდა. „მედიასტანდარტი“ GDS-ის ეთერში 2015 წელს გადიოდა ეთერში.