სააპელაციო სასამართლოს მოსამართლე ლავრენტი მაღლაკელიძე აცხადებს, რომ აშშ-ის ელჩმა, კელი დეგნანმა, როგორც პროფესიონალმა იურისტმა, ძალიან კარგად იცის, რომ ნებისმიერი ბრალდება, რომელსაც ეფუძნება გარკვეული სანქციების გამოყენება, უნდა ემყარებოდეს მტკიცებულებებს.
„დღემდე ეს მტკიცებულებები არ არის წარმოდგენილი. სასტიკად ირღვევა იმ პირების უდანაშაულობის პრეზუმფცია, რომელთა მიმართაც იყო გამოყენებული ეს სანქცია. მოლოდინის რეჟიმში ვართ უსასრულოდ, რომ წარმოდგენილი იქნება რაიმე ინფორმაცია ან გარემოება და არა მხოლოდ საჯაროდ განცხადებული ბრალდება, რომელიც აბსოლუტურად დაუსაბუთებელია“, – აცხადებს მოსამართლე.
აშშ-ის სახელმწიფო მდივნის, ენტონი ბლინკენის განცხადებით, აშშ-მა მოსამართლეებს მიხეილ ჩინჩალაძეს, ლევან მურუსიძეს, ირაკლი შენგელიასა და ვალერიან ცერცვაძეს, მნიშვნელოვან კორუფციულ საქმიანობაში მათი ჩართულობის მოტივით, სანქციები დაუწესა.