მიხარია, რომ ბატონ ვახტანგთან ერთად მონაწილეობა მივიღე ამ მნიშვნელოვან ღონისძიებაში, – განაცხადა პრემიერ-მინისტრმა ირაკლი ღარიბაშვილმა პოლიციის ქალაქის მშენებლობასთან დაკავშირებით, კაფსულის ჩადების ცერემონიის დასრულების შემდეგ.
„მოგეხსენებათ, ჩვენი გადაწყვეტილებით, დავიწყეთ პოლიციის ქალაქის მშენებლობა, რომელიც გათვლილი იქნება 1000-ზე მეტ პოლიციელზე. სამუშაოები უკვე დაწყებულია, დაახლოებით 2 წელიწადში სამუშაოები დასრულდება და ჩვენ 1000 პოლიციელს ბინას გადავცემთ. პოლიციელები გადაიხდიან სიმბოლურ ფასს, კვადრატულ მეტრში დაახლოებით 300 ლარს, დანარჩენს დაფარავს სახელმწიფო. მინდა ვაცნობო ჩვენს საამაყო, გმირ პოლიციელებს, რომ ეს პროექტი არ იქნება ერთჯერადი. პოლიციის ქალაქების მშენებლობა გაგრძელდება მომავალშიც და ჩვენი სურვილია, რომ საკანონმდებლო დონეზეც იყოს გარანტირებული. მინდა ჩვენს გმირ საამაყო პოლიციელებს მადლობა ვუთხრა იმისთვის, რომ იცავენ ჩვენს ქვეყანას, მოქალაქეებს და ჩვენი ხელისუფლების ვალდებულებაა, რომ ყველაფერ საუკეთესო გავუკეთოთ ჩვენს გმირ პოლიციელებს“, – განაცხადა პრემიერმა.