ისინი ცდილობენ ყურადღება გადაიტანონ სხვადასხვა საკითხზე და როგორმე ეს ყურადღება აარიდონ დავით კეზერაშვილს, – ამის შესახებ პარლამენტის ვიცე-სპიკერმა არჩილ თალაკვაძემ ოპოზიციაზე საუბრისას განაცხადა.
„თუმცა ამ ამბის ძირითადი სათაური მაინც არის ის, რომ საქართველოს თავდაცვის ყოფილი მინისტრი პირდაპირ დადანაშაულებულია საერთაშორისო თაღლითური ჯგუფის ხელმძღვანელობაში“, – აღნიშნა თალაკვაძემ.
ე.წ. ქოლცენტრების საქმეზე საგამოძიებო კომისიის შექმნას გიორგი გახარია ეხმაურება. პარტია „საქართველოსთვის“ ლიდერი „ქართულ ოცნებას“ და „ნაციონალურ მოძრაობას“ აკრიტიკებს და საუბრობს იმაზე, თუ რატომ არ უნდა „ქართულ ოცნებას“ ამ საქმეზე კომისიის შექმნა. გახარიას თქმით, ყოფილი თავდაცვის მინისტრი და ოპოზიციური პარტიის ლიდერი ევროპელ პენსიონერებს თაღლითურად ფულს ჰპარავს, რომელსაც ოფიციალური პირები ან ხელს აფარებდნენ, ან თვითონაც „თაღლითურად იპარავდნენ“.