ვისაც დიალოგი სურს, სადაც უნდათ, როცა უნდათ, აქაც კი, თუ სურთ, მე მთავრობასთან ერთად ხელმისაწვდომი ვარ, – ამის შესახებ ალბანეთის პრემიერ-მინისტრმა განაცხადა.
ედი რამამ თავისი ოფისის წინ განათავსა სკამები წარწერით – „დიალოგი“. მან ასევე აღნიშნა, რომ დიალოგს ძალადობაში ჩართულ პირებთან არ გამართავს.
„ერთადერთი, ვისაც არ მივესალმებით, არიან ისინი, ვინც ძალადობას ჩადიან და ისინი, ვინც ძალადობისგან დისტანციას არ ინარჩუნებენ“, – თქვა ედი რამამ.
ცნობისთვის, ალბანეთში, უკვე რამდენიმე დღეა, სტუდენტური აქციები იმართება. აღნიშნულს პროტესტის მონაწილეებსა და სამართალდამცავებს შორის დაპირისპირებაც მოჰყვა. აქციები თავდაპირველად უნივერსიტეტებში არსებულ პირობებსა და უმაღლესი განათლების ხარჯებს ეხებოდა.
კომენტარები