საქართველოს პარლამენტის თავმჯდომარის მოადგილე, არჩილ თალაკვაძე აცხადებს, რომ პოლიტიკაში არალეგალური, კრიმინალური გზით მოპოვებული ფული შედის, რაც დემოკრატიულ სურათს ამახინჯებს.
ამ განცხადებით არჩილ თალაკვაძე პარლამენტის თავმჯდომარის მიმართვას ეხმაურება, რომლის მიხედვითაც შალვა პაპუაშვილი აუდიტის სამსახურს მოუწოდებს, დაინტერესდეს ქართულ პოლიტიკაში უცხოური ფულის ინვესტირების საკითხით, ირაკლი ზარქუა ეხმაურება.
“პოლიტიკაში ხდება არალეგალური კრიმინალური გზით მოპოვებული ფულის შემოტანა. ეს თავისთავად, ამახინჯებს უკვე დემოკრატიულ სურათს, ამახინჯებს პოლიტიკურ სისტემას და რა თქმა უნდა, ხელისუფლება გააკეთებს ყველაფერს იმისთვის, რომ უკანონო ფული არ მოხვდეს ქართულ პოლიტიკაში და ამან არ შეცვალოს ჩვენი მოქალაქეების რეალური არჩევანი,” – აცხადებს არჩილ თალაკვაძე.
საქმე ეხება მიმართვას, რომელშიც სპიკერი აუდიტის სამსახურს მოუწოდებს შეისწავლოს ქართულ პოლიტიკაში უცხოური ფულის ინვესტირების საკითხი- მისი თქმით პარტიებს ხშირ შემთხვევაში შექმნილი აქვთ არასამთავრობო ორგანიზაციები და პოლიტიკური ფული გრანტებად ფორმდება, რაც თავის მხრივ არის პარტიების უკანონო დაფინანსება.