თუ ასე დგას საკითხი, რომ ჩვენი ტრადიციული ღირებულებები არის მიუღებელი, რა თქმა უნდა, საჭიროა იყოს საზოგადოებრივი დისკუსია ევროპის სოციალისტურ პარტიასთან დაკავშირებით, – ამის შესახებ პარლამენტის თავმჯდომარე შალვა პაპუაშვილმა განაცხადა.
„ხედავთ, რომ ეს საკითხი ჩამაფიქრებელია ჩვენი საზოგადოებისთვის. განმარტებები, რომელიც მოვისმინეთ, რომ თითქოს ჩვენს ტრადიციულ ღირებულებებს, ოჯახს, რწმენას ამ საკითხებს არაფერი ესაქმება ე.წ. პროგრესულ ევროპაში, ეს არასწორი მიდგომაა და ამაზე საჭიროა მსჯელობა. ეს ნიშნავს აბსოლუტურად ხაზის გადასმას იმაზე, რაზეც აქამდე იყო საუბარი, რომ ჩვენ მივდივართ ევროპაში ჩვენი ტრადიციებით და ღირებულებებით. თუ ასე დგას საკითხი, რომ ეს ღირებულებები არის მიუღებელი, რა თქმა უნდა, საჭიროა იყოს საზოგადოებრივი დისკუსია ამ პოლიტიკურ ჯგუფთან დაკავშირებით. ამ მხრივ ჩვენ ძალიან გულახდილად და საჯაროდ ვსაუბრობთ“, – აცხადებს შალვა პაპუაშვილი.