„ვაშაძის განცხადებებზე სერიოზულად კომენტარის გაკეთება ალბათ ძალიან რთული იქნება გამომდინარე იქიდან, რომ ეს ადამიანი არის სწორედ იმ ჯგუფის წევრი, რომელსაც სურს და ერთადერთი მიზანი ამოძრავებს – იყოს საქართველოში არეულობა, დესტაბილიზაცია“, – ამის შესახებ პარლამენტის ევროპასთან ინტეგრაციის კომიტეტის თავმჯდომარე მაკა ბოჭორიშვილმა განაცხადა.
„მათი მიზანია, მაქსიმალურად შეიქმნას ის პირობები, რაც ხელს შეუშლის საქართველოს სტრატეგიული მიზნების განხორციელებაში და, განსაკუთრებით, ევროკავშირთან ურთიერთობებში“, – განაცხადა ბოჭორიშვილმა „ქრონიკასთან“.
„სტრატეგია აღმაშენებლის“ ლიდერმა, გიორგი ვაშაძემ განაცხადა, რომ არაა გამორიცხული, „ქართული ოცნება“ რუსეთთან ერთად პროვოკაციას და ხელოვნურ ესკალაციას გეგმავდეს საქართველოს საგარეო ვექტორის შესაცვლელად.
კომენტარები