საქართველოს ეროვნული გმირის, გიორგი ანწუხელიძის მეუღლე გავრცელებულ დეზინფორმაციას პასუხობს, თითქოს გმირის ოჯახი დაუფასებელია, რადგან დაღუპულის მეუღლე ორ შვილთან ერთად მიწურში უფანჯრო სახლში ცხოვრობს.
როგორც გიორგი ანწუხელიძის მეუღლე მაკა ჩიკვილაძე სოციალურ ქსელში წერს, 2008 წლის შემდეგ თავდაცვის სამინისტრომ მათ ბინა გადასცა, რომელიც საჭიროების გამო გაასხვისეს, თუმცა უწყებისგან ისევ მიიღეს შეთავაზება ბინის გადაცემაზე.
„არიან ადამიანები, ვინც მხარში მიდგანან. თავს მარტო არ ვგრძნობ. ჩემი ეზოს მსგავს ეზოში თბილისში ბევრი ადამიანი ცხოვრობს. 2008 წლის შემდეგ თავდაცვის სამინისტრომ ბინა გადმოგვცა, რომელიც საჭიროების გამო გავასხვისეთ. ახლახან თავდაცვის სამინისტროს მხრიდან კვლავ გაკეთდა შემოთავაზება ჩვენი ოჯახისთვის გადმოეცათ ბინა. სხვა ეზოშიც მექნება შესაძლებლობა გიმასპინძლოთ. ჩემთვის ყველაზე მნიშვნელოვანი ის სითბოა, რომელსაც გიორგის კოლეგებს შორის ვგრძნობ სამსახურში“, – წერს მაკა ჩიკვილაძე.
