მთავრობის ადმინისტრაციის ორგანიზებით, ქვეყნის მასშტაბით დაწყებული „მუსიკალური საღამოების” მარათონს ხონი, ჭიათურა, გურჯაანი და წნორი შეუერთდა.
ხონში, ცენტრალურ მოედანზე სამზადისი მიმდინარეობს, ეწყობა სივრცეები ადგილობრივი მეწარმეების ხელნაკეთი ნივთების გამოფენა-გაყიდვისთვის. საღამო ცნობილი ქართველი მომღერლების მონაწილეობით გრანდიოზული კონცერტით დასრულდება.
ჭიათურაში ღონისძიება ყოფილი პიონერთა სასახლის მიმდებარე სკვერში გაიმართება, სადაც დამონტაჟდა სცენა, ეწყობა საბავშვო გასართობი სივრცეები და ადგილობრივი მეწარმეებისთვის განკუთვნილი პავილიონები.
წნორსა და გურჯაანში ღონისძიებისთვის სამზადისი დილიდან მიმდინარეობს. გურნჯაანში მსმენელის წინაშე საღამოს „ღამის შოუს“ ბენდი წარდგება.
კომენტარები