8 ივლისი იყო ქართველი ხალხისა და ქართული სახელმწიფოს გამარჯვება, უდიდესი მოვლენა თავისი შინაარსითა და შედეგით, რაც იმას ნიშნავს, რომ მშვიდობიანად, ქართველი ხალხის ერთობით, სიმტკიცით მოხერხდა იმ პრაიდ-ფესტივალის აღკვეთა, რომელსაც ეწინააღმდეგებოდა საზოგადოების უდიდესი ნაწილი, – ამის შესახებ საზოგადოებრივი მოძრაობის „საქართველო უპირველეს ყოვლისა“ დამფუძნებელმა, ვატო შაქარიშვილმა განაცხადა.
„ვინ ლაპარაკობს ძალადობაზე ან სად ნახეს იქ ძალადობრივი აქტები?! ის ხალხი, ვინც საქართველოს პარლამენტს ცეცხლი გაუხსნა, ჩვენი გმირი პოლიციელების ცოცხლად დაწვა სცადა და ცეცხლი მოუკიდა მათ „მოლოტოვის კოქტეილების“ საშუალებით, ამერიკის ელჩი და პრეზიდენტი, რომელიც ამერიკიდან გვერთვებოდა და მხარს უჭერდა, ამ ყველაფერს გამოხატვის ლეგიტიმურ უფლებას ეძახდა. ეს იყო სახელმწიფოზე მიტანილი შტურმი, ლგბტ პროპაგანდის თავს მოხვევა, მედიაში გაუთავებელი ცილისწამება, შეურაცხყოფა, ბულინგი – ეს არის გამოხატვის თავისუფლება და 10 ათასობით ადამიანი, რომელიც გამოხატავს საქართველოს მოსახლეობის უმრავლესობის ნებას, ამის გამოხატვა, ქუჩაში მშვიდობიანად გამოსვლა და ამის გამოხატვა არის ძალადობა? ეს ლიბერალური ხელოვნურად ნაშენები ტრენდები დაინგრევა და ინგრევა არა მარტო საქართველოში, არამედ დასავლეთსა და აშშ-შიც“, – აღნიშნა შაქარიშვილმა.