დადგნენ და ზელენსკის მხარე დაიჭირეს – შენ თუ ქართველი ხარ და საქართველო გიყვარს, როგორ შეიძლება იმის მხარე დაიჭირო, რომელიც არასწორად გექცევა? – ვინ ხარ? ვინ ხარ და ღმერთის და ქვეყნის მოღალატე, – ამის შესახებ ბოდბელმამთავარეპისკოპოსმა, მეუფე იაკობმა ქადაგებისას განაცხადა.
„ერი რომ ომშია და იმ ქვეყნის პრეზიდენტი ხარ, პირველ რიგში გევალება, რომ კაცობა გქონდეს, ძლიერი კაცი უნდა იყო, პატარა კაცი არ უნდა იყო- დადგნენ ჩვენთან და ზელენსკის მხარე დაიჭირეს. შენ თუ ქართველი ხარ და საქართველო გიყვარს, როგორ შეიძლება იმის მხარე დაიჭირო, თუნდაც ომში მყოფი ქვეყნის პრეზიდენტის, რომელიც არასწორად გექცევა?
უკრაინის დღევანდელმა პრეზიდენტმა, ქართველებს დიდი შეურაცხყოფა მოგვაყენა, როდესაც ჩვენი ელჩი, ფაქტობრივად, დაითხოვა უკრაინიდან. მანამდე საქართველოდანაც გაიწვია ელჩი. ზელენსკისგან ეს არ გამიკვირდა. ის არის უკრაინის პრეზიდენტი და ცდილობს, რომ უკრაინა უფრო წარმატებული იყოს, უფრო ძლიერი. ხელისუფლების წარმომადგენლებმა და მათ, ვინც ხელისუფლებაში არ არის და მოსვლა უნდათ, ბევრმა სწორი დასკვნა გააკეთა, არ მოიწონა.
ერი რომ ომშია და იმ ქვეყნის პრეზიდენტი ხარ, გევალება, რომ პირველ რიგში კაცობა გქონდეს, ძლიერი კაცი უნდა იყო, პატარა კაცი არ უნდა იყო. რა გინდა ჩვენი ქვეყნისგან?! პოროშენკოდან დაწყებული, 2015 წლიდან წაიყვანეს ჩვენები, „მაიდნის“ შემდეგ ყველა იქ ჰყავთ. მიშაც წაიყვანეს, წავიდა, ვინმე რამეს დავუშავებდით აქ რომ ყოფილიყო?! – არ მგონია, ვინმეს რაიმე დაეშავებინა“, – აღნიშნა მეუფე იაკობმა.