ვილნიუსის სამიტთან დაკავშირებით გადაჭარბებული მოლოდინები არ იყო. საქართველო იმსახურებს ალიანსში წევრობას და პასუხობს ყველა კრიტერიუმს, რაც აუცილებელია საქართველოს ნატოში სრულფასოვანი წევრობისთვის – ბურთი ალიანსის მოედანზეა, – ამის შესახებ საქართველოს პარლამენტის თავდაცვისა და უშიშროების კომიტეტის თავმჯდომარე, ირაკლი ბერაიამ განაცხადა.
„ალიანსის წევრმა სახელმწიფოებმა უნდა გააცნობიერონ არსებული გეოპოლიტიკური მოცემულობის სიმძიმე. უნდა გააცნობიერონ, რომ 2008 წელს და შემდეგ დაშვებული შეცდომები ძვირად უჯდებათ. თავის დროზე გაბედული გადაწყვეტილებები რომ ყოფილიყო მიღებული, რუსეთი ვერც საქართველოს და ვერც უკრაინის წინააღმდეგ სამხედრო აგრესიის განხორციელებას ვერ გაბედავდა“, – განაცხადა ბერაიამ.
კომენტარები