პოლიციის მიზანია ნებისმიერი დაპირისპირებული მხარე თუ ჯგუფი გაანეიტრალოს და ცალ-ცალკე ამყოფოს, რაც მან მოახერხა, – ამის შესახებ „ხალხის ძალის“ ერთ-ერთმა ლიდერმა, გურამ მაჭარაშვილმა განაცხადა. ასე უპასუხა მან აშშ-ის ელჩს კელი დეგნანს, რომელმაც „პრაიდის კვირეულის“ ღონისძიების ჩაშლის გამო პოლიცია გააკრიტიკა.
„პოლიციამ ასევე მოახერხა ის, რომ არ ყოფილიყო ფიზიკური ძალადობები და ა.შ. ამიტომ მადლობა ეკუთვნის პოლიციას ამისთვის“, – განაცხადა მაჭარაშვილმა.
„პრაიდ-ფესტივალთან“ დაკავშირებით ამერიკის ელჩი სამართალდამცველთა ქმედებებს აკრიტიკებს. კელი დეგნანი შსს-ს მიერ გაცემულ დაპირებას იხსენებს და აღნიშნავს, რომ ვანდალიზმის, ძარცვისა და ქონების განადგურების ფაქტებთან დაკავშირებით პოლიციას შესაბამისი პასუხი არ ჰქონია.
ამერიკელი დიპლომატი შეშფოთებას გამოთქვამს თბილისის ქუჩებში განვითარებული მოვლენების გამო და ამბობს, რომ მოქალაქეებზე თავდასხმა კოოორდინირებული სერია იყო.