„გირჩის“ ლიდერის, იაგო ხვიჩიას განცხადებით, წინანდალში, სადაც „ნაციონალური მოძრაობისა“ და ოპოზიციის სხვა წარმომადგენლები იყვნენ შეკრებილი, „გირჩი“ მიწვეული არ ყოფილა.
მისივე თქმით, მისთვის დამაჯერებელია, რომ შეხვედრაზე, შესაძლოა, აფხაზეთის საკითხზე ყოფილიყო საუბარი.
„ამ შეხვედრაზე მიწვეული არ ვყოფილვართ. შეიძლება, მოსაწვევი მოვიდა და ვერ შევამჩნიე, მაგრამ როგორც ჩემთვის ცნობილია, მიწვეული არ ვიყავი. გამიკვირდა, რადგან რომ დავაკვირდი, აფხაზეთის საკითხით ჩემზე დაინტერესებული იქ არავინ იყო და იქ მყოფი ადამიანების უმრავლესობას არც ჩემზე მეტი აქვს ნაფიქრი ამ საკითხზე. აფხაზეთის საკითხზე ორ-სამ შეხვედრაზე ვიყავი, თან იმედგაცრუებული, და ეს პოზიცია გამოვხატე. შეიძლება, ამიტომ არ მიმიწვიეს. მაინც ვერ გავიგე, რა იყო სკანდალი და პრობლემური, რომ ადამიანებს ამ თემაზე უნდოდათ საუბარი. კიდევ გავიგებდი, კრიტიკა რომ ყოფილიყო, კვალიფიციურად რატომ არ ლაპარაკობენო, დანარჩენი გაუგებარია. მჯერა, რომ შეხვედრაზე, შესაძლოა, აფხაზეთზე იყო საუბარი“, – განაცხადა იაგო ხვიჩიამ.