წალენჯიხის საბავშვო ბაღებიდან გათავისუფლებულმა 19-მა პედაგოგმა სასამართლო დავა მოიგო.
გადაწყვეტილება ზუგდიდის რაიონული სასამართლოს მოსამართლემ გვანცა ვარდანიძემ გამოაცხადა.
პედაგოგების სამივე სასარჩელო მოთხოვნა დაკმაყოფილდა: გათავისუფლების ბრძანების ბათილად ცნობა; დასაქმებულთა აღდგენა სამსახურში; სავალდებულო განაცდურის ანაზღაურება.
წალენჯიხის მერმა, ოპოზიციონერმა გიორგი ხარჩილავამ საბავშვო ბაღის აიპის თანამშრომლები და სკოლამდელი აღზრდის დაწესებულებებში დასაქმებულები თითქმის ერთი წლის წინ გაათავისუფლა. ამის შესახებ ბაღების თანამშრომლებს, დახურულ თათბირზე აცნობეს და უთხრეს, რომ მიზეზი, ბავშვთა კვებისთვის საჭირო თანხების სიმცირეა. ბაღების თანამშრომლები თვლიან, რომ მათი გათავისუფლება პოლიტიკური ნიშნით მოხდა.
კომენტარები