უკრაინაში მიმდინარე კორუფციული სკანდალი დასავლეთის მხრიდან იარაღის მიწოდების პროცესს აფერხებს. ამის შესახებ ლიეტუვის პრეზიდენტმა, გიტანას ნაუსედამ ადგილობრივ ტელარხთან ინტერვიუში განაცხადა.
ნაუსედამ აღნიშნა, რომ უკრაინის კორუფციული სკანდალი მნიშვნელოვან გავლენას ახდენს კიევის დასავლელ პარტნიორებზე. ეს განცხადება ლიეტუვის პრეზიდენტმა მას შემდეგ გააკეთა, რაც ცნობილი გახდა, რომ ვოლოდიმირ ზელენსკიმ თავდაცვის მინისტრი ოლექსი რეზნიკოვი თანამდებობიდან გადააყენა.
მინისტრის შეცვლის ოფიციალურ ვერსიად კორუფცია არ დასახელებულა, თუმცა ბოლო პერიოდში უკრაინის თავდაცვის სამინისტროში აქტიურად მიმდინარეობს გამოძიება, იარაღის შესყიდვის დროს ქრთამის აღების შესაძლო ფაქტებზე.
კომენტარები