ამ ძალამ, ამ ადამიანმა [მიხეილ სააკაშვილმა] და მისმა გარემოცვამ გადაუხვიეს იმას, რაც იყო „ვარდების რევოლუციის“ ამოცანები და იდეალები, – ამის შესახებ „ევროპული საქართველოს“ თავმჯდომარემ, გიგა ბოკერიამ განაცხადა, რითაც აქართველოს ყოფილი პრეზიდენტის, მიხეილ სააკაშვილის ფეისბუქპოსტს გამოეხმაურა.
„როცა შავრაზმელობა, პოპულიზმი, ფარისევლობა, ბელადომანია ავტომატურად მისაღები ხდება დიდი ოპოზიციური პოლიტიკური ძალისთვის, ეს არის კატასტროფა ჩვენი პოლიტიკური ცხოვრებისთვის, ეს უნდა შეიცვალოს აუცილებლად. დიახ, ამ თვალსაზრისით ჩვენი გზები გაყოფილია და ვერასდროს შეერთდება, რადგან ამ ძალამ, ამ ადამიანმა და მისმა გარემოცვამ გადაუხვიეს იმას, რაც იყო „ვარდების რევოლუციის“ ამოცანები და იდეალები“, – აცხადებს ბოკერია.
კომენტარები