ამ ვოიაჟის ცალკეული ეპიზოდების შესახებ ჩვენ არაფერი ვიცით. ვფიქრობ, მას [პრეზიდენტს] ანგარიში აქვს ჩასაბარებელი არა ნინო ლომჯარიასთან ან ქალ დეპუტატებთან, რომელთაც პატივს ვცემ, არამედ ხალხთან, – ამის შესახებ პარლამენტის პირველმა ვიცე-სპიკერმა გიორგი ვოლსკიმ განაცხადა.
„მთავრობას თუ არ ესაუბრება თავისი ვოიაჟის შედეგების შესახებ, ხალხს მაინც აუხსნას, რა წაიღო და რით წამოვიდა ვიზიტებიდან, რომელიც შეუთანხმებლად, კონსტიტუციის დარღვევით ჰქონდა. ამ ბაქიბუქის შემდეგ, რაც მისგან მოვისმინეთ, რომ აუცილებლად მიიღებს საქართველო კანდიდატის სტატუსს, იმიტომ რომ იგია პირადად ამაში ჩართული, ლატვიის პრეზიდენტი გამოვიდა და გალანძღა საქართველო. ყველა ელოდება რა განცხადებებს გააკეთებს თავის ვოიაჟებთან დაკავშირებით, – რა ფორმულით ჩავიდა. თუ იგივე სულელური ფორმულით ჩავიდა, რომელიც ეხება საზოგადოების და მთავრობის ერთმანეთისგან გამიჯვნას და საზოგადოებისთვის სტატუსის მოთხოვნას, რასაკვირველია ეს მავნებლურია“, – განაცხადა ვოლსკიმ.
სალომე ზურაბიშვილი ოპოზიციონერ ქალ დეპუტატებსა არასამთავრობო ორგანიზაციების წარმომადგენლებს შეხვდა.