“ლეიბორისტული პარტიის” ლიდერიშალვა ნათელაშვილი სოციალურ ქსელში განათლების ყოფილი მინისტრის დიმიტრი შაშკინის პოსტს აზიარებს, სადაც ექსმინისტრი შვილის სოფიაში სწავლის დაწყებაზე წერს.
”მე ამ ბავშვს მინდა ვუსურვო უდიდესი წარმატებები. ამასთან ავტომატურად ამოაგდო მეხსიერებამ ეპიზოდი, როდესაც ბატონი შაშკინი იყო წინა ხელისუფლების განათლების მინისტრი და მე დავურეკე მას რათა გაეცა ცნობა ჩემს შვილებზე, რადგან მათ სთავაზობდნენ ბრუკლინში, ამერიკიულ სკოლაში 6 თვიან სწავლას, რის გამოც ბავშვების სიხარულს საზღვარი არ ქონდა. ცნობის მაგივრად მან პირდაპირ დაურეკა ამერიკის მაშინდელ ელჩს და განუცხადა პროტესტი თუ როგორ ბედავდა ამერიკა ოპოზიციონერის შვილების მიღებას სკოლაში. საბოლოო ჯამში ეს პერსპექტივა ჩაიშალა ხოლო დაკოს და ბექას დღემდე ტკივილნარევ მოგონებად დარჩა ეს შეუსრულებელი მიზანი. პოლიტიკოსი მაშინ შეიძლება გახდე, როდესაც ყველა ახალაზრდობის წარმატებას ხელს წააშველებ იმის მიუხედავად ის ვისი შვილია. ისე ეს რეჟიმი ხომ არის ღვთის პირიდან გადავარდნილი, მაგრამ ვაღიაროთ ის ამოზრდილია სწორედ წინა რეჟიმიდან, ისევე როგორც წინა დაიბადა მოქკავშირ–შევარდნაძის ინკუბატორიდან. მოკლედ აბრამ შვა ისააკ ისაკმა იაკობ თუ როგორც არის. ეს ყველაფერი ისე,მოგონებების სკივრიდან.”
