არგენტინის მოსახლეობამ ახალი პრეზიდენტის არჩევა პირველ ტურში ვერ მოახერხა. ამის შესახებ BBC წერს.
გამოცემის ინფორმაციით, ხუთიდან ვერცერთმა კანდიდატმა გამარჯვებისთვის აუცილებელი 45%-ის მიღება ვერ შეძლო. ყველაზე მეტი, 36% ეკონომიკის მოქმედმა მინისტრმა, სერხიო მასამ მიიღო. მისი კონკურენტი მეორე ტურში მემარჯვენე კანდიდატი ხავიერ მილეი იქნება.
ეს შედეგი ბევრისთვის მოულოდნელი აღმოჩნდა, რადგან არგენტინაში ინფლაციის დონე 140%-ს შეადგენს და ექსპერტები ვარაუდობდნენ, რომ მოსახლეობა ეკონომიკის მინისტრს ნდობას არ გამოუცხადებდა. ადგილობრივი მედიის ცნობით, ამომრჩეველთა აქტივობამ 74% შეადგინა.
საპრეზიდენტო არჩევნების მეორე ტური არგენტინაში 19 ნოემბერს გაიმართება.
კომენტარები