„ჰამასის“ დაღუპულ მებრძოლს სხეულზე ქიმიური იარაღის დამზადების სახელმძღვანელო აღმოუჩინეს, – ამის შესახებ ისრაელის პრეზიდენტმა ისააკ ჰერცოგმა Sky News-თან ინტერვიუში განაცხადა.
მისი თქმით, გზამკვლევს, რომელიც USB ტიპის მეხსიერების ბარათზე იყო ჩაწერილი, „ჰამასის“ „ბოევიკი“ თან ატარებდა. ჰერცოგმა ასევე აღნიშნა, რომ მასალა „ალ-ქაიდას“ ეკუთვნის და მასში აღწერილია, როგორ უნდა გამოეყენებინათ ტოქსიკური ნივთიერება ციანიდი.
მეხსიერების ბარათი კიბუც ბეერიში აღმოაჩინეს, სადაც 7 ოქტომბერს „ჰამასმა“ მოკლა ათობით ადამიანი და მძევლები აიყვანა.
„ჩვენ საქმე გვაქვს ISIS-თან (ისლამურ სახელმწიფოსთან), ალ-ქაიდასთან და „ჰამასთან“, – თქვა ჰერცოგმა.
კომენტარები