ანა წითლიძე ნიკა მელიას განცხადებას გამოეხმაურა. „ნაციონალური მოძრაობის“ წევრმა პარტიის ყოფილი თავმჯდომარის პოზიციაზე პარლამენტში, ჟურნალისტებთან ისაუბრა.
„მე არ მგონია, რომ ეს გარჩევები და მისი ეს პოზიციები არის მნიშვნელოვანი ახლა. ნებისმიერი უთანხმოება, ნებისმიერი დაპირისპირება, ნებისმიერი ერთმანეთის არმოწონება და კინკლაობა არის უმნიშვნელო იმასთან შედარებით, რაც წინ გველის. და წინ გველის კანდიდატის სტატუსის მიღების პროცესი და უმნიშვნელოვანესი 2024 წლის არჩევნები. თუ „ქართულმა ოცნებამ“ 2024 წლის არჩევნებში კიდევ მოახერხა ძალაუფლების შენარჩუნება, დამიჯერეთ, მეც, ნიკა მელიასაც, ლევან ხაბეიშვილსაც და განსაკუთრებით იმ ჟურნალისტებს, ვინც კრიტიკულ მედიას წარმოადგნენ, ამ ქვეყანაში დარჩენის შესაძლებლობა ნამდვილად არ გვექნება“, – განაცხადა წითლიძემ.
ნიკა მელია ვანო მერაბიშვილსა და დავით კეზერაშვილის გავლენებზე საუბრობს და აცხადებს, რომ პარტიის ახალი მენეჯმენტი ყოფილი ძალოვნების გარშემო არა ხალხის ინტერესებმა, არამედ ფულმა და მანდატებმა გააერთიანა.