შეცვლილი სტრატეგია, ახალი ბორდი ახალი მმართველით. “ნაციონალურ მოძრობაში” ლევან ხაბეიშვილით უკმაყოფილო კეზერაშვილი, პარტიაში ახალ ბორდს ქმნის, რომელსაც შესაძლოა ნიკა გვარამიამ უხელმძღვანელოს.
“ქართულ ოცნებაში” ფიქრობენ, რომ ლევან ხაბეიშვილის გუნდს პერსპექტივა არ აქვს და კეზერაშვილი მის ჩანაცვლებას ცდილობს.
ნიკა მელიას გუნდში ყურადღებას კვლავ არაფორმალურ მმართველობაზე ამახვილებენ. “ნაციონალური მოძრაობის” წევრის ბაჩო დოლიძის თქმით, არც თავმჯდომარეს და არც ბორდს პარტიაში გადაწყვეტილების მიღების შესაძლებლობა არ აქვს.
“როგორც ბორდს, ასევე თავმჯდომარეს და ასევე სხვა უწყებებს პარტიაში, არანაირი დამოუკიდებლობის ხარისხი გააჩნიათ და შესაბამისად, გადაწყვეტილების მიღების შესაძლებლობაც არ აქვთ. რაც შეეხება გვარამიას, გასაგებად გასცა პასუხი, რომ ის თავის თავს ვერ ხედავს იქ და მე ეს პასუხი არ გამკვირვებია.
რაც შეეხება ლევანის მომავალს, ცოტა რთულია, რადგან თუ დაიწყება ახლა დაიწყება ლევანის პოლიტიკური ჯანჯღარი”, – განაცხადა ბაჩო დოლიძემ.