ისრაელსა და „ჰამასს“ შორის ორმხრივი ცეცხლი, მთელი ღამის განმავლობაში გრძელდებოდა. ისრაელი 5 დაშავებულის შესახებ იუწყება, ღაზის სექტორის ჯანდაცვის უწყების მონაცემებით კი, ისრაელმა ანკლავში იერიშების რაიონი გააფართოვა, დაიღუპა 50 პალესტინელი.
ისრაელის არმია იერიშების გააქტიურების მიზეზად, ღაზის სექტორიდან ისრაელის ტერიტორიაზე ზღვის გავლით, მყვინთავთა ჯგუფის შეღწევის მცდელობას ასახელებს. სამხედრო უწყებაში აცხადებენ, რომ მყვინთავები „ჰამასის“ წევრები იყვნენ, რომლებიც ქიბუც ზიკიმში შესვლას ცდილობდნენ.
„ჰამასის“ პარალელურად, ისრაელი დაჯგუფება „ჰეზბოლას“ იერიშებსაც იგერიებს. ღამით კი ქვეყნის არმიამ, საპასუხო ცეცხლი სირიის ტერიტორიაზე სამხედრო ობიექტებს გაუხსნა, საიდანაც რაკეტები გოლანის დასახლებული პუნქტების მიმართულებით გაუშვეს. ისრაელი სახმელეთო ოპერაციისთვის ემზადება.