ნატოს გენერალურმა მდივანმა, იენს სტოლტენბერგმა განაცხადა, რომ უკრაინის წინააღმდეგ რუსეთის ომმა მოკავშირეების მარაგები ამოწურა.
შვედეთის პრემიერ-მინისტრთან, ულფ კრისტერსონთან გამართულ ერთობლივ პრესკონფერენციაზე სტოლტენბერგმა ხაზგასმით აღნიშნა, რომ წარმოების გაზრდა აუცილებელია უკრაინის საჭიროებების დასაკმაყოფილებლად და საკუთარი თავდაცვის უზრუნველსაყოფად.
“რუსეთი ემზადება ზამთრის, როგორც ომის იარაღად გამოსაყენებლად. ამიტომ წარმოების სიჩქარე და მოცულობა მნიშვნელოვანია”, – აღნიშნა იენს სტოლტენბერგმა.
“ჩვენი უსაფრთხოება ეყრდნობა ჩვენს ტექნოლოგიურ უპირატესობასა და ჩვენს თავდაცვის ინდუსტრიას. ასე რომ, მნიშვნელოვანია, რომ ალიანსისა და მის ფარგლებს გარეთ მსხვილი კომპანიები ჩართულნი იყვნენ”, – დასძინა მან.
კომენტარები