ჩემი პოზიცია გახლავთ, რომ მსოფლიოში სხვადასხვა ერებს სჭირდება სიცხადე. პროგნოზირებადობა. ჩვენ ვერ ვხედავთ ამას, ვერ ვხედავთ რა იქნება მომავალში. ქვეყნებს, როგორიც არის საქართველო, სომხეთი და აზერბაიჯანი, განვმეორდები, მათ სჭირდებათ ნათელი ხედვა დასავლეთის დიდი სახელმწიფოების მხრიდან, – ამის შესახებ საქართველოს პრემიერ-მინისტრმა, ირაკლი ღარიბაშვილმა პარიზში, „მშვიდობის ფორუმის“ ფარგლებში გამართულ პანელურ დისკუსიაზე განაცხადა.
„არაფერი მოხდება, თუ მშვიდობა არ იქნა საქართველოში. ეს არის გადამწყვეტი. ნაკლები გვჭირდება ისინი, ვინც ომისკენ მოუწოდებენ. მშვიდობაზე ორიენტირებული ხალხი უფრო გვჭირდება. შეშფოთებულები ვართ და გვაინტერესებს, როგორ განვითარდება სიტუაცია უკრაინაში, ახლო აღმოსავლეთში. ჩვენ – საქართველო, სომხეთი მცირე ქვეყნები ვართ, მაგრამ ძლიერი ერები. ერთ-ერთი ყველაზე უფრო ძველი ერები მსოფლიოში. ჩვენ გვინდა უზრუნველვყოთ სტაბილურობა და აყვავება ჩვენი მოქალაქეებისთვის. ჩემი პოზიცია გახლავთ, რომ მსოფლიოში სხვადასხვა ერებს სჭირდება სიცხადე. პროგნოზირებადობა. ჩვენ ვერ ვხედავთ ამას, ვერ ვხედავთ რა იქნება მომავალში. ვის შეუძლია მოაგვაროს ასეთი ტიპის პრობლემები? დიდ ქვეყნებს შეუძლიათ, ზესახელმწიფოებს. ქვეყნებს, როგორიც არის საქართველო, სომხეთი და აზერბაიჯანი, განვმეორდები, მათ სჭირდებათ ნათელი ხედვა დასავლეთის დიდი სახელმწიფოების მხრიდან“, – აღნიშნა ღარიბაშვილმა.