ჩვენ ვხედავთ, რომ მსოფლიო იხლიჩება იმ გამოწვევებს შორის, რომლებთანაც შერიგება ბევრისთვის ჯერ კიდევ შეუძლებელია, – ამის შესახებ საფრანგეთის პრეზიდენტმა, ემანუელ მაკრონმა პარიზის მშვიდობის ფორუმზე სიტყვით გამოსვლისას განაცხადა.
როგორც ემანუელ მაკრონმააღნიშნა, გამოწვევები ხშირად გროვდება, ეს არის იგივე ქვეყნები, რომლებსაც აქვთ უსაფრთხოების უზარმაზარი ხარჯები, რადგან მათ უწევთ ტერორიზმთან ან რეგიონულ დესტაბილიზაციასთან გამკლავება.
„სამხრეთის ბევრი ქვეყანა ძირითადად ამბობს – თქვენ ყოველთვის გვასწავლით, როცა გვთხოვთ კლიმატის პრობლემის მოგვარებას, როდესაც ეს პრობლემები ჩვენზე მეტად თქვენი გამოწვეულია; თქვენ გვთხოვთ უთანასწორობისადა სიღარიბის პრობლემების მოგვარებას. გამოწვევები ხშირად გროვდება. ეს არის იგივე ქვეყნები, რომლებსაც აქვთ უსაფრთხოების უზარმაზარი ხარჯები, რადგან მათ უწევთ ტერორიზმთან ან რეგიონულ დესტაბილიზაციასთან გამკლავება. ამავდროულად, რესურსები არ აქვთ. ეს არის ინსტრუმენტის საფუძველი. „პარიზის პაქტი“ ადამიანებისა და პლანეტისთვის ეფუძნება ოთხ ძალიან მარტივ პრინციპს: უპირველეს ყოვლისა, არავის უნდა ჰქონდეს არჩევანი უთანასწორობასთან ბრძოლასა და პლანეტის, ანუ კლიმატისა და ბიომრავალფეროვნების შენარჩუნებას შორის; მეორე – თითოეულმა ერმა სუვერენულად უნდა აირჩიოს გზა. არ არსებობს ერთი მოდელი მთელი პლანეტისთვის, რომელიც ვაშინგტონში, ბრიუსელში, ლონდონში ან ჩრდილოეთის რომელიმე სხვა დედაქალაქში შეირჩევა; მესამე – ამისთვის ჩვენ გვჭირდება ბევრად მეტი საჯარო ფინანსური რესურსი; მეოთხე პუნქტი იყო იმის თქმა, რომ, ამავდროულად, საჯარო და კერძო სექტორი უნდა ავსებდნენ ერთმანეთს და ამ ფულმა შესაძლებელი უნდა გახადოს ბევრად მეტი კერძო ფინანსების მობილიზება იმ ქვეყნებისთვის, სადაც ეს უფრო საჭიროა, რაც ნამდვილი რევოლუციაა როგორც პრაქტიკაში, ასევე ჩვენი კოლექტიური ინვესტიციების მოცულობაში“, – განაცხადა მაკრონმა.