57 მუსლიმური და არაბული ქვეყანა ღაზაში ცეცხლის დაუყოვნებლივ შეწყვეტას ითხოვს. ნათქვამია რიადში გამართული ისლამური და არაბული სახელმწიფოების ლიდერების სამიტის კომუნიკეში.
მასპინძლებმა, საუდის არაბეთმა, საერთაშორისო საზოგადოება ორმაგ სტანდარტებში დაადანაშაულა.საუდის არაბეთის საგარეო საქმეთა მინისტრმა თქვა, რომ გაეროს უშიშროების საბჭომ ვერ შეასრულა თავისი პასუხისმგებლობა, რადგან არ დააკისრა პასუხისმგებლობა ისრაელს ღაზაში ქმედებებისთვის.
არაბული ლიგის ხელმძღვანელმა თქვა, რომ იმედოვნებს, დასავლეთი გაითვალისწინებს გაეროს წევრთა მეოთხედიდან მისულ სიგნალს.
ირანსა და სირიას სურდათ უფრო წინ წასულიყვნენ და მოითხოვდნენ კონკრეტულ ქმედებებს, როგორიცაა ისრაელსა და რეგიონის ზოგიერთ ქვეყანას შორის ურთიერთობების გაწყვეტა, რაც უარყოფილ იქნა.
BBC წერს, რომ პირად საუბრებში რამდენიმე არაბული ქვეყნის მინისტრა თქვა, რომ ღაზის სექტორში პალესტინელი მშვიდობიანი მოსახლეობის დიდი მსხვერპლის გამო, რადიკალიზაცია ღვივდება მათ ქვეყნებში ახალგაზრდებს შორის.
მათ ასევე ისაუბრეს თავიანთი იმედგაცრუებაზე დასავლელი მოკავშირეების მიმართ და თქვეს, რომ დასავლეთმა დაგმო რუსეთის ქმედებების უკრაინაში, ხოლო დიდწილად ვერ გააკეთა იგივე ისრაელთან ღაზასთან დაკავშირებით.