ისრაელის პრეზიდენტი იცხაკ ჰერცოგი უარყოფს გავრცელებულ ინფორმაციას იმის შესახებ, რომ ისრაელი ღაზის სექტორში საავადმყოფო ალ-შიფას უტევს. ამის შესახებ BBC წერს.
გამოცემის ინფორმაციით, ჰერცოგმა აღნიშნა, რომ საავადმყოფოში „ყველაფერი მუშაობს“. დღის განმავლობაში ვრცელდებოდა ინფორმაცია, რომ ალ-შიფაში, რომელსაც ათასობით პალესტინელი აფარებს თავს, აღარ არის ელექტროენერგია. ჯანმრთელობის მსოფლიო ორგანიზაციაში განაცხადეს, რომ დაკარგეს კავშირი თავის კონტაქტებთან საავადმყოფოში.
„უარვყოფთ ამ ყველაფერს. შიფაში ელექტროენერგია არის, ყველაფერი მუშაობს“, – განაცხადა პრეზიდენტმა. მისივე თქმით, ისრაელი ღაზის სექტორში საერთაშორისო კანონმდებლობის დაცვით მოქმედებს.
BBC-სთან საუბრის დროს, პრეზიდენტს ხელში ეჭირა ადოლფ ჰიტლერის „ჩემი ბრძოლის“ არაბულ ენაზე ნათარგმნი ასლი, რომელიც, მისი თქმით, რამდენიმე დღის წინ, ღაზის სექტორში იპოვეს.