პოლონეთში ახალი მოწვევის პარლამენტი დღეიდან ოფიციალურად იწყებს მუშაობას. როგორც მედია წერს, სეიმის პირველი სხდომა 12:00 საათზე გაიმართება. პოლონეთის პრეზიდენტი ანჯეი დუდა ახლად არჩეულ დეპუტატებს სიტყვით მიმართავს, შემდეგ კი სეიმის ახალ სპიკერს აირჩევენ.
მედიის ცნობით, დღესვე გაიმართება ახლად არჩეული დეპუტატების ფიცის დადების ცერემონიაც. ასევე, პირველ შეხვედრაზე პრემიერ-მინისტრი ოფიციალურად გადადგება, პრეზიდენტი კი არჩეულ კანდიდატს მთავრობის შექმნის მანდატს მისცემს.
შეგახსენებთ, პოლონეთის პრეზიდენტმა, ანჯეი დუდამ მთავრობის ფორმირება პოლონეთის პრემიერ-მინისტრს, მატეუშ მორავიეცკის დაავალა.
კომენტარები