ათობით დღენაკლული ახალშობილი, რომელსაც ალ-შიფას საავადმყოფოში მკურნალობენ, სამედიცინო დაწესებულებიდან უსაფრთხოდ ვერ გაჰყავთ, – წერს BBC ორგანიზაცია MAP-ზე (“სამედიცინო დახმარება პალესტინელებისთვის”) დაყრდნობით.
“მძიმედ ავადმყოფი ახალშობილების გადაადგილება კომპლექსური და ტექნიკური პროცესია. სასწრაფო დახმარების მანქანები ვერ ახერხებენ საავადმყოფომდე მისვლას – განსაკუთრებით იმ აღჭურვილობით, რომლებიც საჭიროა ამ ჩვილების გადასაყვანად. ამასთან, არ არსებობს საავადმყოფო, რომელსაც შეუძლია მათი მიღება… არ არსებობს მითითება, თუ როგორ შეიძლება ამის უსაფრთხოდ გაკეთება”, – აცხადებს ორგანიზაციის წარმომადგენელი.
ჯანდაცვის მსოფლიო ორგანიზაცია აცხადებს, რომ ალ-შიფა, როგორც საავადმყოფო, აღარ ფუნქციონირებს. ჯანმო-ს ინფორმაციით, ობიექტს ელექტროენერგია თითქმის სრულად გათიშული აქვს, არის საკვებისა და წყლის დეფიციტი.